Deryâ kapudânı olan Vezîr Hasan Paşa'nın mansıb-ı mezkûrdan infisâli ve yerine Vezîr Kethudâsı Mehmed Paşa'nın ibdâli câygîr-i zamîr-i Sadr-ı ʿâlî olup, Kapudân-ı müşârun ileyh kapuya daʿvet ve Özi Eyâleti tevcîhiyle ilbâs-ı hılʿat irâde olundukda, kabûlden imtinâʿ ve reh-rev-i meslek-i istidfâʿ oldukda, taraf-ı Sadâret-penâhî'den temhîd olunan nush u pend sûd-mend olmayup, bilâhare elli bin guruş hazînesinden harc-ı râh vermek ve sâyir umûr ve husûsunu pezîrây-ı temşiyet eylemek cihetleri tarafına ilkā ve bu vechile dahi irzâ mümkin olmayup, keyfiyyeti ʿarz-ı ʿâlem-i bâlâ kılındıkda, ismi defter-i vüzerâdan terkīn ve Resmo Cezîresi'ne îsâl içün maʿiyyetine mübâşir taʿyîn ve ber-vech-i muharrer Vezîr-i müşârun ileyh Deryâ Kapudanlığı ile tevkīr ve Telhîsî, Sadrıaʿzam'ı daʿvetine tesyîr olundu.