Fermân-fermây-ı memâlik-i Fâs mahzâ Devlet-i ʿaliyye ile tarh-1 encümen-i muvâlefet ü istînâs kasdıyla birkaç nefer muʿteber âdemlerini Âsitâne-i saʿâdet'e isrâ ve taraf-ı vâzıhu'ş-şeref-i Mülûkâne'ye bir raht-ı murassaʿ ve bir kemer-i mücevher ve müşâşaʿ ve elmâs ile müzeyyen bir serc-i girân-behâ ve bir seyf-i kazâ-mezâ ihdâ eyleyüp, baʿzı edevât-ı bahriyeye dâʿir eşyâ iltimâsını müşʿir ʿArabiyyü'l-ʿibâre mektûb dahi irsâl ve istinzâl-i [M1 208] emtâr-ı Pâdişâh-ı kerîmü'l-hısâl etmişidi. Müşârun ileyh sülâle-i Nebeviyye'ye müntehî vü müntesib ve cihet-i vahdet-i İslâmiyye ile hâtırına riʿâyet vâcib olduğuna binâʿen, kâffe-i mültemisâtına müsāʿade ve âdemleri mutayyeb ü memnûn iʿâde olundu.