Kara-ağac Sâhil-serâyı'ndan istîfây-ı hatt-ı hümâyûn rû-nümûn olduğuna binâ'en, şehr-i rebîʿulevvelin altıncı günü Serây-ı ʿâmire sadef-i dürr-i meknûn Şehriyâr-ı rubʿ-meskûn oldu. Şehr-i mezkûrun on ikinci günü resm-i kadîm-i devlet üzere Pâdişâh-ı muʿallâ-câygâh-ı Sultân Ahmed Câmiʿi'ne teşrîf ile mukaddemce kudûm-ı Şâhâne'lerine rû-be-râh-ı intizâr olan bendelerini sezâvâr-ı nigâh buyurup, kırâʾet-i mevlid-i şerîf ʿakabinde devlet ü ikbâl ile hareket ve serây-ı dil-güşâlarına ʿazîmet buyurdular.