Evâsıt-ı saferde Karaman Vâlîsi Vezîr Saʿdeddîn Paşa ʿazl ve Rakka Eyâleti'ne nakl olunup, selefi Çelik Paşa, Karaman Eyâleti ile şâdân ve Zâreli-zâde Feyzullah Paşa, Vâlî-yi Van ve sabıkı Vezîr Mustafa Paşa, Eyâlet-i Diyârbekir ile memnûn-i lutf-i Pâdişâh-ı zemân oldu. Dergâh-ı âlî Yeniçeri Ağası olan Mahmûd Ağa'dan meʾmûl derecesinde hidmet meşhûd olmayup, âhir-i saferde ʿazl ve Tekfurdağı'na matrûd oldu. Kul Kethudâsı Mehmed Ağa, Ağalık ile tatrîb ve vukūʿ-ı silsile ile ricâl-i ocağ resm ü râhları üzere tefrîh u tatrîb olundu.