Velâdet-i pür-meymenet, kulûb-i nâsa ʿale'l-ʿumûm ilkāy-ı hizzet [M1 197] ü beşâşet edüp, bir müddetden berü kayd-ı gurbet ile nâlân ve hasret-i evlâd ü ʿıyâl ile dermân-de-i âh u figān olan zevâtın dahi etrâf ve müteʿallikātlarıyla şâd ü handân olmaları havâlî-gerd-i zamîr-i Hâkān-ı zemân olduğuna binâ'en, sâbıkā Rumeli Kadıʿaskeri ve İmâm-ı Evvel-i Sultânî olan Pîrî-zâde ʿOsmân Monla Efendi ve sâbıkā Sadrıaʿzam Kethudâsı Subhî-zâde ʿAbdullah Efendi ve Monlacık-zâde ʿAlî Ağa şeref-yâfte-i sudûr olan emr-i Cihân-mutâʿ iktizâsıyla ıtlâk ve maraz-ı cângüzâr-ı gurbetden ifrâk olundu.