Cerde Başbuğu olup, bundan akdem Vezâret'le kâmrân olan ʿOsmân Paşa'nın, diyâr-ı Şâmât'da tetâvül-i zemân ile ikāmeti ve o havâlînin umûruna âhardan ziyâde vukūf u ıttılâʿ ile şöhreti olduğundan, şehr-i mezkûrda Mîr-i hâclık inzımâmıyla Şâm Eyâleti, tarafına ihâle vü tefvîz ve selefi Vezîr Çelik Mehmed Paşa'ya, Rakka Eyâleti taʿvîz kılınup, Cerde Başbuğluğu Trablus Eyâleti ile Mîr-i Hâcc-ı cedîdin oğlu Mehmed Bey'e, bâ-rütbe-i Mîr-i mîrânî ʿinâyet ve sabıkā Rakka Vâlîsi Vezîr dâmâd Hüseyin Paşa, Aydın Sancağı'yla destzen-i kemâl-i şâdî vü meserret oldu.