Eclâf-ı nâs ve belki kudreti yetişen ve yetişmeyen esnâf, ʿuzamây-ı devlete taklîd ve câme ve sevb-i fâhir ile bi'l-külliyye fark ü imtiyâzı maʿdûm ve nâ-bedîd eylediklerinden gayri, ihrâz-ı rütbe edenlere muhtass olan vaşak ve kākım ve sâyir libâs-ı fâhire iktisâ ve bu sebeble beyʿ u şirâlarında envâʿ-ı hiyel ü desîse ihtirâʿına ictirâ etmeleriyle, o makūlelere fî-mâ baʿd kâr-ı kadîm elbise ile taʿyîn-i hadd ve münzecir olmayanlara darb-ı çûb-i hadd olunacağı lâzım gelenlere tenbîh ü teʾkîd ve Sadrıaʿzam bu müddeʿâyı teʾyîd zımnında dâyiresi halkını o makūle kürklerden tecrîd eyledi.