Çavuş-başı olan Hamza Hâmid Efendi, Sadrıaʿzam Mektubcu bulundukda, Baş-halîfe olup, o zemândandan berü miyânelerinde hukūk-i muhkem u üstüvâr ve Sadâret-i ʿuzmâ'ya teşrîf edeli hakkında enzâr-ı ʿâtıfeti derkâr olup, bu defʿa dahi Kethudâlık mesnediyle mûmâ ileyhi hâyiz-i rehîne-i iʿtibâr ve selefi Subhî-zâde ʿAbdullah Efendi ʿazl ve hânesinde ikāmetle mübtelây-ı ezell oldu. Münhal olan Çavuş-başılık hidmetiyle ʿIvaz Paşa-zâde Halîl Bey, muğtenem ve sâbıkā Cebeciler Baş-kethudâsı Derzi Hüseyin Ağa ʿazlinden Cebeci-başılık ile mükerrem ve müddet-i vâfireden berü Topçu-başı olan hânesinde müsterîh ve Topçu-başılık, sâbıkı Mustafa Ağa'nın ismine tashîh olundu.