Bundan akdem taraf-ı hümâyûndan vâlide-i müşfikaları Mihrimâh Sultân içün Üsküdar Ayazma'sında temhîd ve te'sîs olunan câmiʿ-i melâyik-enîs bi-fazlihi teʿâlâ hıtâma resîde olup, evkāf ve müsekkafâtı ber vech-i evfâ tertîb ü tanzîm ve hademe vü sedenesi lâyıkı üzere tetmîm olunup, câmi-i mezkûr fushat-i cihât ve resânet-i simât ile şebîh-i Beyt-i maʿmûr ve envâr-ı tecelliyât-ı Sübhâniyye ile zıyâ-bahş-ı taʿât-ı güzînân-ı Rabb-i Gafûr olduğundan başka tabakāt ve zevâyâsı her vakt ü ân cemâʿatle memlû ve her kûşesinde Kur'ân-ı ʿazîmü'ş-şân metluv olmağla, hak budur ki bir eser-i cemîl ve bir hayr-ı celîl olup, safahât-ı sevâb-nâme-i Pâdişâh-ı bedîʿu'l-hısâl [M1 188] erkām-ı hasenât ile mâl-â-mâl ve revân-ı vâlide-i cennet-mekânları şâd-â-mâl-â-mâl ve revân-ı vâlide-i cennet-mekânları şâd-â-mâl-â-mâl ve revân-ı vâlide-i cennet-mekânları şâd-â-ter-i sehâb-ı rahmet-i Müteʿâl olduğu vâreste-i şübühât ü işkâldir. Sadrıaʿzam'ın itmâmına dâ'ir inşâd etdiği târîhdir: Muktedây-ı Ehl-i sünnet câmiʿ-i mecmûʿ-i hayr Etdi çün bu maʿbed-i zîbâyı inşâ bî-rîyâ Sadr-ı asrı bendesi Râgıb dedi târîhini Câmiʿ-i raʿnâ binâ-i Şâh Sultân Mustafa (جامع رعنا بناء شاه ساطان مصطفى)