Bundan akdem Defterdar ve ʿazl ü infısâl ile hânesinde pâ-bercây-ı merkez-i istikrâr olan İbrâhîm Efendi, erzel-i ʿömre resîde ve bisât-ı kuvveti dest-i herm ve inhitât ile berçîde olup, fî mâ baʿd istihdâma kudreti ve ru'yet-i umûra istitâʿati olmadığı mütehakkak ve bu makūle emekdâr-ı devlet olanları kayd-ı zarûretden ihlâ şîme-i mürüvvete muvâfık olmağla, hayatda oldukça senevî on iki kîse taraf-ı mîrîden mûmâ ileyhe iʿtâ olunmak üzere hatt-ı hümâyûn şeref-sudûr ve mûmâ ileyh bu ʿinâyet-i bî-gāyeden nâyil-i aksâ'l-gāye-i sürûr oldu.