Bir müddetden berü Mekke-i mükerreme ve etrafında cârî olan miyâhın mesâliki taʿmîr olunmadığından suda kıllet ve mücâvirîn-i Beyt-i Hudâ'da zarûret ber-kemâl olmağla, yenbûʿ-i cedâvil lutf u sehâ ve mîzâb-ı rahmet-i selsâl cûd ü nedâ olan Şehriyâr-ı melek-sîmâ tarafından turuk-i miyâh tathîr u inkā ve âteş-i ʿatş ile tefsîde-i leb olan sekene-yi Bekke'yi iskā vü irvâ etmek niyâzını şâmil Şerîf-i Mekke tarafından tahrîrât gelüp, mefhûmu ʿilm-i Cihânbânî'ye şâmil oldukda, derhal lüzûmu kadar meblağ ile sâbıkā Mirâhûr-i Evvel Mustafa Ağa, bu hidmet-i şerîfeye intihâb ve intihâl ve ber vech-i istiʿjâl ol savb-ı meyâmin evbe irsâl olundu.