Cerdeci Vezîr ʿAbdurrahmân Paşa, bundan akdem maʿzûl ve yerine Vezîr Çelik Mehmed Paşa mevsûl olmuşidi. Mesârıfına medâr ve bâzûy-i himmetine bâʿis-i iktidâr olmak içün rebîʿulevvelin on ikinci günü Aydın Muhassıllığı ile dîde-i âmâli rûşen ve Mîr-i hâclık inzımâmıyla kemâ-kân Eyâlet-i Şâm, Çeteci Vezîr ʿAbdullah Paşa'ya muʿayyen olup, Mîr-i mîrândan Ahmed Paşa'ya dahi Sayda Eyâleti ibkā vü takrîr ve bu mazmûnda cümlesine evâmir-i ʿaliyye ısdâr u tesyîr olundu.