Ak-deniz'de korsanın kesreti ve tüccâr ve ebnâ'-i sebîlin küllî hasâreti sâmi'a res-i hazret-i Tâcdârî olup, tevbîhi mutazammın müşârun ileyhe gönderilen tahrîrâta: “Bu sâl-i meyâmin-iştimâlde Donanma-yı hümâyûn'da kuvvet ve levendât ve mühimmâtında kesret olduğu Malta ve sâyir lusûs-i bahriyyenin maʿlûmları olduğundan, tedârükât-ı kaviyye ile Ak-deniz'e çıkup, etrâfa zarar îrâs ve envâʿ-ı mefâsid ihdâs eylediler” deyü yazdığı cevâb ʿateh ü bî-şuʿûrluğuna haml olunup, ʿazl ve Sagrı Kalası'na irsâl ve Kapudâne bulunan [M1 166] ʿAbdülkerîm Bey, bâ-rütbe-i Mîr-î mîrânî Deryâ Kapudanı nasb olunup, Ak-deniz'in istısfâsı zımnında mûmâ ileyhe ısdâr-ı misâl-i lâzimü'l-imtisâl kılındı.