Mevsim-i ʿîdde ʿan-asl ʿatebe-i Şâhâne'ye Âsitâne'de mensûc dîbây-ı Rûmî ʿarz u takdîm olunur iken, bir müddetden berü Venedik tarafından gelen dîbâ ʿarz olunmağa başlayup, dîbây-ı mezkûr ise bâdî-yi nazarda şeffâf ü tâbdâr ve cüz'î istiʿmâlinde fersûde vü guseste-târ olduğundan başka, diyâr-ı âhar metāʿının Âsitâne'de revâc ü iʿtibârı ve Âsitâne metāʿının kesâd ve ʿadem-i intişârı mûcib-i hadşe-i tabʿ-ı Tâcdârî olup, fîmâ-baʿd aʿyâd ve sâyir mevâsimde dîbây-ı Rûmî takdîm olunmak irâdesiyle derhâl dîbâ nesc edenler celb ve müceddeden destgâhlar nasb olunup, bir haftada takdîm olunacak mikdârı dîbây-ı zîbâ iʿmâl ve ʿarz-ı huzûr-ı Şehriyâr-ı bedîʿu'l-hısâl kılınup, ilâ mâşâallâh zikr olunan dîbâ minvâl-i sâbık üzere defʿ-tırâz-ı nizâm ve zîver-i bâzâr-ı hâss ü ʿâmm olmak tenbîhât-ı ekîdesi lâzım gelenlere ifâde vü ifhâm olundu.