Bir seneden berü Rumeli Sadâreti'ne revnak veren Ebûbekir Efendi, kemâl-i ʿiffet ü nezâhet ile icrây-ı ahkâm-ı Şerʿ-i mutahhar ve hıtâm-ı müddetiyle gāyet-i zilhiccede ʿazl ü istirâhat ile muvakkar olup, Sadâret-i Rumeli hasbe't-tarîk Şeyhî Monla Efendi'ye tevcîh ü ʿinâyet ve İstanbul Kadısı Ser-etıbbâ-i Hâssa Mehmed Refîʿ Efendi dahi tekmîl-i müddet eyleyüp, sülâle-i hazret-i Sıddîk'den Bekrî-zâde Halîl Efendi, kazâ-i mezkûr ile dest-i nevâzende-i birr ü mekremet kılındı.