Gars-i yemîn-i Şâhî ve nişânde-i dest-i Pâdişâhî olan Hamza Ağa'nın Silahdârlığı hengâmında tavr u hareketi istihsân ve ʿakl u zekâsı sencîde-i mîzân-ı imtihân olunup, merâtib-i ʿaliyyeye irtikāsı min külli'l-vücûh şâyân görülüp, evâyil-i şevvâlü'l-mükerremde Mora Muhassıllığı inzımâmıyla süllem-i rütbe-i vâlây-ı Vezâret'e isʿâd ve alay ile Bâb-ı ʿâlî'ye gelüp, huzûr-i Sadâret-penâhîde iktisây-ı hilʿat ile isʿâd olundu. Sâbıkā Mora Muhassılı Tevkīʿî Vezîr Mustafa Paşa'ya, Haleb Eyâleti ihsân ve Muhsin-zâde Vezîr Mehmed Paşa'nın dahi mansıbı olan Kütahya'ya hareket ve ʿazîmeti fermân olundu.