Memleket-i mezbûra ehâlîsi ʿan-asl huşûnet ü ruʿûnetle meşhûr ve “Kulun kula ne borcu var?” kelâmı her bâr lisânlarında mezkûr olduğundan gayri, ednâ behâne ile hedm-i binâ billâh bîşeleri ve mekr ü fesâd hulâsa-i endîşeleri olup, bu esnâda ʿutuvv ü istikbârları resîde-i derece-i kemâl ve te'dîb ü gûşmâlleri lâzım-ı hâl olduğundan, Mîr-i mîrândan Canikli Süleymân Paşa üzerlerine taslît [M1 153] ü havâle ve o makūle ser-hevâ-yı ruʿûnet olanları iʿdâm u izâle edüp, fukarâ-yı memleketi te'mîn ve hidmeti mûcib-i tahsîn olduğundan başka leyl ü nehâr dâğ-ı ber dil-i hasret olduğu rütbe-i Vezâret'le kadri terfîʿ ve ol bâbda ısdâr-ı tevkīʿ olundu.