Geçen senelerde bi-kazâ'illâhi Teʿâlâ huccâca târî olan perîşânlık sebebi ile havâlî-yi Şâm'da mütemekkin Benî Sahr ve ʿUneyze ve Benhân kabîleleri huccaca iʿânet ve yollarda delâlet etmek lâzım iken, pesmândegân-ı kāfile-i huccâcı anlar dahi bir tarafdan nehb ü gāret ve envâʿ-ı eziyyet ile bî-huzûr u râhat eyledikleri, Şâm Vâlîsi Çeteci Vezîr ʿAbdullah Paşa'nın tahkīkâtından olmağla, o makūle izrâr-ı zuʿafây-ı hâcca ictisâr edenleri ahz ve ser-i nuhûset-eserlerin katʿ ile mazarratların defʿ lâzime-i hâlden olduğuna binâ'en, mahsûs âdemler irsâl ve eşkıyây-ı merkūmeyi vâhiden baʿde vâhidin ele getürüp, istîsâl ve ser-i maktûʿların Âsitâne-i saʿâdet'e irsâl eyledi.