Şâm Vâlîsi ve Mîrü'l-hâc olan Vezîr Çeteci ʿAbdullah Paşa'nın beyne'l-Haremeyn vukūʿ bulan celâdeti ve eşkıyây-ı ʿUrbân'a kuvve-i kāhire-i saltanatı irâʾe ile semt-i itâʿate delâleti ve Cerdeci bulunan Vezîr ʿAbdurrahmân Paşa'nın dahi ʿUrbân'a gālibiyyeti, sebeb-i inşirâh-ı derûn-i Pâdişâhî olup, hidmetleri mûcib-i şâbâş ü tahsîn ve mesâʿî-yi meşkûreleri bâʿis-i hezâr âferîn olduğunu şâmil başka başka taraflarına hatt-ı hümâyûn ve teşrîfât-ı mülâtafet-makrûn irsâliyle şevk u himmetleri efzûn kılındı.