Mukātaʿât-ı mezkûre bundan akdem Defterdâr-ı Şıkk-ı Evvel Ahmed Efendi maʿrifetiyle tâliblerine fürûht olunup, senevî fâizi mesârıf-ı ʿâdiyesi ihrâcından sonra bin kîseye bâliğ olup, hazîneye vazʿ olunduğu ânifen zikr ü beyân olunmuşidi. Yetmiş iki senesine mahsûben Mukātaʿât-ı mezkûre Defterdâr-ı vakt Halîmî Efendi maʿrifetiyle müzâyede ve baʿde inkıtâʿi'r-reğabât tâliblerine ilzâm olunup, kemâ fi'l-evvel muʿtâd olan mesârıfâtı fürû-nihâde olundukda, iki bin kîse fazlası zuhûr ve Def- terdâr-ı mûmâ ileyhin bu hidmeti makbûl-i Şehriyâr-ı kâmilü'ş-şuʿûr olduğundan, ferve-i semmûr ile kesb-i irtiyâh u hubûr eyledi.