Rebîʿulâhırın yirmi ikinci sebt gicesi sâʿat beşde iken, Nahilbend Mahallesi'nde harîk zuhûr edüp, etrâfa şerâre-feşân-ı dehşet olarak Çatladı-kapu ve Küçük Ayasofya'yı ve Sultân Ahmed Bîmâr-hânesi etrâfını ve Kadırga meydânını ifnâ-kerde-i sûziş ü hirkat eyleyüp, fazl-ı Hakk yâver ve etrâf ü eknâf inkıtâʿıyla intıfâ müyesser olup, hidmet-i itfâda bulunanların gûşiş ü gayretleri manzûr-i Pâdişâh-ı kerem-güster olmağla, ancak harîkde bulunan ortalara tevzîʿ olunmak içün yirmi bin guruş ʿatıyye ihsân ve o makūle harâret-i meşakkatle bî-tâb ü tüvân olanlar şerbet-i hoşgüvâr-ı ʿâtıfet-i Pâdişâh-ı zemân ile seyrâb ü reyyân kılındı.