İsm-i sâmî-yi Mülûkâne'yi hâvî mühr-i hümâyûn hakki, mukaddemâ istîzân ve ol vechile ruhsat ihsân ve tarz-ı bedîʿ üzere fass-ı hâtime-i nâm-ı Şehriyâr-ı cihânbahş nakş olunmuşidi. Resmen rikâb ısmarlanup, Şeyhulislâm Efendi ile bi'l-mürâfaka Âsaf-ı sânî ve Sadrıaʿzam-ı bî-müdânî hâk-i ʿatebe-i Mülûkâne'ye vazʿ-ı pîşânî edüp, mühr-i cedîd-i Sultânî yeden be-yed taraf-ı hümâyûndan iʿtâ ve üstlük ile serâ-sere dûhte ferve-i semmûr dûş-i istihkākına iksâ buyurulduğundan başka, Şeyhulislâm Efendi dahi beyâza kablu semmûr kürk ve müzeyyen bârgîr ile hisse-mend-i lütf-i Hîdiv-i kişver ârâ olup, tâs ve konturalı solak ve peykler ile Bâb-ı Âsafî'ye ʿavdet ve erkân-ı devlet tebrîk-i Sadâret'e şitâb ü sürʿat eylediler.