Şaʿbân-ı şerîfin gurresi rûz-i hızır olmak mülâbesesiyle, Istabl-ı ʿÂmire'de olan esbânın Çerâgâh-ı Saʿdâbâd'a ihrâcları muʿtâd olduğundan, yevm-i mezkûrda âlây-ı vâlâ ile zikr olunan esbleri mahalline îsâl ve Mîrahûr-i [M1 78] Evvel olan ʿAli Bey hidmetini ikmâl eyledi. Şehriyâr-ı ʿâlî-tebâr, aʿdel-i hevâ ile şöhret-şiʿâr olan Tersâne Bağçesi'ne yarım göç ile nakli ihtiyâr buyurup, şaʿbân evâyilinde mahall-i mezkûr kudûm-i Şâhâne ile dârü's-sürûr oldu.