Kapudâne olan Süleymân Kapudan'ın fenn-i deryâda olan mehâreti ve tekâdüm-i zemân ile ahvâl-i Tersâne'ye ʿilm ü maʿrifeti, mûcib-i hurûş-i yemm-i ikbâl ü rifʿati olup, târîh-i mezkûrda Mîr-i mîrânlık ile deryâya Kapudan ve selefi Vezîr Mehmed Paşa nefy tarîkıyle İstanköy'e revân olup, sâbıkā Cidde Vâlîsi Vezîr-i pîr ve düstûr-i [M1 53] rûşen-i zamîr olan Bekir Paşa bir müddetden berü ʿAlâʾiyye'de ikāmet ve devâm-ı Devlet duʿâsına muvâzabet üzere olup, pîrliğine hürmet ve Âsitâne'ye gelüp, şeref-i izdivâcıyle iftihâr eylediği Safiyye Sultân-ı ʿaliyyetü'ş-şân serâyında meks ü râhat etmek üzere tahsîl-i izn ü ruhsat eyledi.
ʿAzl-i Kapudân-ı deryâ Vezîr Mehmed Paşa ve nasb-ı Karabâğî Süleymân Kapudan ve ıtlâk-ı Vâlî-yi Cidde Vezîr Bekir Paşa
Attribution
- Citation:
- "ʿAzl-i Kapudân-ı deryâ Vezîr Mehmed Paşa ve nasb-ı Karabâğî Süleymân Kapudan ve ıtlâk-ı Vâlî-yi Cidde Vezîr Bekir Paşa", Ottoman Text Corpus, Merve Tekgürler, https://mervetekgurler.github.io/ottoman_text_corpus_website/items/ave1752_121.html
Item Details
- Title:
- ʿAzl-i Kapudân-ı deryâ Vezîr Mehmed Paşa ve nasb-ı Karabâğî Süleymân Kapudan ve ıtlâk-ı Vâlî-yi Cidde Vezîr Bekir Paşa
- Creator:
- Ahmed Vâsıf Efendi
- Date Created:
- 1168
- Source:
- Nevzat Sağlam
- Format:
- text/plain
- Language:
- ota