Kerkük şehri sükkânından ve talebe-i ʿulûmdan olan Veliyyüddîn Efendi, bir zemân Sadrıaʿzam'ın kitâbcısı ve Trabzon'da Kethudâsı olup, tavr u hareketi mizâclarına tevâfuk eylediğinden, cümletü'l-mülkü ve bitâne-i umûru olmuşidi. Sadâret'e geldiklerinde mûmâ ileyhi Kethudâ ve halkın başına belâ edeceğini tasmîm ve izmâr ve her ne kadar resm-i Devlet'den bî-haber ve Sadâreti'ne mahz-ı zarar olduğu hayır-hâhları tara- fından ihtâr olunduysa dahi dinlemeyüp, ısrâr ve işbu Cumâdelâhıre'nin yirmi dokuzuncu günü mûmâ ileyhi Kethudâlık câhıyla refîʿu'l-mikdâr eyledi.