Tâcü'l-muhadderât, iklîletü'l-muhassanât ʿismetlü Vâlide Sultân hazretlerinin cülûs-i semere-i fu'âdları iktizâsıyla Serây-ı ʿatîk'den Serây-ı cedîd'e gelmeleri muʿtâd olduğuna binâ'en, şehr-i rebîʿulevvelin dördüncü çehârşenbih günü Dâru's-saʿâde Ağası Beşîr Ağa ve Haremeyn takımı ve Vâlide Kethudâsı Ağa ve sâ'ir huzûrları kānûn olan ricâl-i Devlet, Serây-ı ʿatîk'den müşârun ileyhâ hazretlerini taht-ı revân ile alup, cevânib-i erbiʿası peykân ve solak ve musâhib ağaları ile ihâta olunarak sahâ-i Serây-ı hümâyûn'a îsâl ve Pâdişâh-ı cemîlü'l-hısâl hazretleri dahi Vâlide-i müşfikaların istikbâl ve teyessür-i mülâkāt zımnında îfây-ı hamd ü şükr-i Zü'l-celâl eylediler.