ʿÎdin ikinci günü Sadriaʿzam Gülhâne'den ʿavdet ve Bâb-ı ʿâlî'de cüz’î ikāmet etmişiken, taraf-ı Mülûkâne'den bir re's esb-i müzeyyen ile Mîrahûr-i Evvel'in vürûd eyleyeceğini sûret-i tebşîrde ifâde vü takrîr etmeleriyle fi'l-hâl Sadr-ı müşârun ileyh seng-i rikâba nâzil ve esb-i mezkûr dahi vâsıl olup, muʿtâd üzere ʿinân-ı ʿinâyet-nişânını takbîl edüp, seng-i rikâbdan vüsûb üzerine rükûb ve birkaç hatve tesyîr u tesrîhden sonra ʿArz Odası'na çıkup, Mîrahûr-i Evvel Ağa'ya ferve-i semmûr ve nakd-i mevfûr ile iltifât ve Hâs-ahûr takımına dahi muʿtâd üzere bezl-i ʿatıyyât eyledi.