Şevvâl [M1 33] ü'l-mükerremin altıncı yevm-i ahad Yeniçeri Ağa'sının tertîb etdiği ziyâfete Sadriaʿzam icâbet edüp, mukaddemce ihzâr olunan sâzende vü bâzendeyi istimâʿ ve muʿâyeneden sonra ekl-i taʿâm maslahatı dahi temâm olup, ʿavdete işâret olundukda, Yeniçeri Ağası tarafından âmâde kılınan bir re's esb-i müzeyyen ve sâ'ir hedâyâ ʿarz ü takdîm ve Sadriaʿzam tarafından dahi bir sevb-i semmûr ile Ağa-yı mûmâ ileyh tekrîm olunup, hengâm-ı şâm Sadr-ı vâlâ-makām Bâb-ı ʿâlî'ye nüzûl ve ilmâm buyurdular.