Şehr-i mezkûrun yirmi birinci sülesâ günü tertîb-i dîvân ve ʿumûmen kapukullarının iki kıst mevâcibleri ihsân olunup, yirmi altıncı hamîs günü Bâb-ı ʿâlî'de maslahat-ı devr tekmîl olacağı nümâyân olduğundan, Hazînedâr Ağa vesâtatıyle taraf-ı Mülûkâne'den hatt-ı hümâyûn ve teşrîfât-ı seniyye şeref-rîz-i vürûd ve hatt-ı şerîf ʿalâ ru'ûsi'l-işhâd feth u kırâʾet olunup, sâyebân-ı emân olan zıll-i vârif-i Şehinşâhî, dâmen-i kıyâmete dek memdûd olmak duʿâları tasrîh ve Ağa-yı mûmâ ileyh semmûr kürk ve donanmış esb ve muʿtâd olan hidmet ile tefrîh olundu.