Sefer tertîbinden olan on iki kıtʿa topun eczâsı hâzır ve şaʿbânü'l-muʿazzamın yirmi dokuzuncu günü tehyi'e olunan kavâlibe ifrâğı tasmîm-kerde-i ricâl-i Tophâne vü Nâzır olduğu cânib-i Sadâret-penâhî'ye zâhir olduğundan, yevm-i mezkûrda [M1 32] Sadr-ı müşârun ileyh hademe-i Bâb-ı ʿâlî ile Tophâne'ye ʿazîmet ve celse-i hafîfeden sonra döküm mahalline varılup, güdâhte olan eczây-ı maʿdeniyyeyi kalıplarına ifrâğ ve kebîr ü sagîr on iki kıtʿa top dökülüp, rîzendegân-ı ocağ mehâret ve san'atların tekmîl ve isbâğ eylediklerinde, Topçu-başı ve Nâzır ve sâ'ire hilʿatler iksâ ve ocağlularının baʿzısına surreler iʿtâ olundu.