Eyyâm-ı sermâ güzerân ve mevsim-i rebîʿ nâmiye-bahş-ı çemenistân olduğuna binâʾen, teneşşuk-i hevâ ve mutâlaʿa-i sunʿ-i Hüdâ dâʿiyeleri tabʿ-ı hümâyûnda hüveydâ olup, bu eyyâmda sahrâ-yı pehnâsı nümûne-nümây-ı nakş-ı bukalemûn ve ezhâr-ı can-fezâsı rengâ-reng ve gûnâ-gûn olan Saʿdâbâd'a şehr-i recebü'l-ferdin yirmi ikinci günü nakl-i hümâyûn vukūʿ bulup, o mahall-i dilkeşde birkaç gün tenezzüh ve şehr-i mezkûrun yirmi altıncı günü Sâhil-serây-ı Beşiktaş'a teveccüh buyurdular.