Leyletü'l-ʿîd olan çeharşenbih gicesi Sadr-ı vâlâ-makām ve ʿulemây-ı aʿlâm ve ricâl-i devlet ve ocağlu ve sâ'ir erkân-ı Devlet-i ebed-devâm fevc fevc Serây-ı hümâyûn'a varup, herkes mahallinde kıyâm ve inbilâc-ı subh-ı sâdık ʿakabinde Şehriyâr-ı Dârâ-gulâm taht-ı ʿâlî-bahta şeref-bahş-ı ihtişâm olup, aʿlâ vü ednâ ʿalâ ihtilâf-ı merâtibihim âstîn-bûs-i Şehinşâhi'yle hurrem ü mübâhî ve ʿillet-i Fetvâ-penâhî bu defʿa dahi sebeb-i ʿafv-i Pâdişâhî oldu.