Zîrde mezkûr kazâların hengâm-ı tevcîhi hulûl eylediğine binâ'en, Selânik Kazâsı hâlâ Müneccim-başı olan Mehmed Sâdık Efendi'ye bin iki yüz yirmi senesi Receb'inin gurresinden ve İzmir Kazâsı, Sıdkī-zâde Ahmed Reşîd Efendi'ye sâl-i mezkûr Şaʿbân'ı gurresinden ve Yenişehir-i fenâr Kazâsı, Velî Bey-zâde Mehmed Saʿdeddîn Efendi'ye Ramazân-ı şerîf gurresinden tasarruf etmek şartıyla [V 167b] tevcîh u ʿinâyet olunup, her biri mesâfe-i dûr u dirâz-ı tarîkden reh-yâb-ı selâmet ve iktitâf-ı [Ü4 315b] bâkûre-i menâfiʿ ile ser-germ-i handerîs-i refâhiyyet oldular. Mahrûse-i Burusa Kadısı ʿUşşâkī-zâde hafîdi es-Seyyid ʿAbdülhâlık Efendi'nin şâhsâr-ı hayatı bâd-ı hazân-ı merg ile varak-rîz ve muvakkıtı olan ʿAbdullah Monla-zâde es-Seyyid Mehmed Emîn Efendi, hükûmet-i mezkûre ile nâyil-i dest-mâye-i tencîz oldu.