[V 145b] Bin iki yüz yirmi senesi Rebîʿulâhir'ı gurresinden zabt ve rütbesi yevm-i zabtından muʿteber olmak üzere Medîne-i Halebü'ş-şehbâ Kazâsı, Torun-zâde Mehmed Saʿîd Efendi'ye ve sâl-i mezkûr Muharrem'inden mutasarrıf olmak üzere Havâss-ı refîʿa Kazâsı, eğerçi ʿOsmân-pâzârlı Mehmed Efendi'ye tevcîh olunmuşidi. Ancak üç-beş günden sonra fevt olup, yeri Ders-i ʿâmm Sirozî ʿAbdürrahîm Efendi'ye ve Galata Kazâsı dahi Kîsedâr birâderi Hâfız Mehmed Efendi'ye târîh-i mezkûrda verilüp, sene-i mezkûre Cumâdelûlâsı gurresinden Kazây-ı Üsküdâr, Debbâğ-zâde Feyzullah Hamdî Efendi'ye tevcîh olundu.