Müşârun ileyhin hîn-i nasbından bu âna gelince vukūʿ bulan tavr u hareketi rızây-ı devlete evfak ve me'mûr olduğu mevâdd-ı cesîmede zabt-ı asker ve fark-ı hayr u şerde mazhar-ı tevfîk-ı Hakk olup, âsâr-ı tedbîr-i dil-pezîriyle Rumeli ihtilâli mütekârib-i mekmen-i zevâl ve niçe cebâbire vü eşkıyâ matmûre-nişîn-i izmihlâl olup, [Ü4 289b] bu mukābelede manzûr-ı Şehriyâr-ı âfâk olarak, iltifât-ı nevâziş-i hümâyûna kesb-i liyâkat-ı istihkāk eylediğine binâʾen, teşrîfât-ı seniyye ile taltîf u isʿâd ve hidmeti mebrûr olduğunu şâmil fermân-ı celîlü'ş-şân ile derece-i kadr ü iʿtibârı müzdâd kılunup, teşrîfât-ı hümâyûn mahsûs Çakırcı-başı Ağa ile evâsıt-ı Receb-i şerîfde Edirne tarafına irsâl ve mûmâ ileyh hidmetini ikmâl ʿakabinde müşârun ileyh Filibe'ye doğru tahrîk-i râyet-i ikbâl eyledi.