Bin iki yüz yirmi senesi Muharrem'inden mutasarrıf olmak üzere Burusa Kazâsı, sâbıkā Yenişehir-i fenâr Kadısı olan ʿAbdullah Efendi-zâde es-Seyyid Mehmed Emîn Efendi'ye ve târîh-i mezkûrda zabt etmek üzere Şâm-ı şerîf Kazâsı, sâbıkā Kudüs Kadısı Defterdâr hafîdi İbrâhîm Efendi'ye işbu Cumâdelûlâ gurresinde tevcîh ü ʿinâyet ve Mekke-i Mükerreme Kadısı Kütahyalı ʿÖmer Efendi vefât ve terk-i meşgale-i kâ'inât edüp, müddet-i mahlûlesi sâbıkā Şâm Kadısı es-Seyyid Mehmed Nûrullah Efendi'ye Cumâdelâhıre'nin on sekizinci günü tevcîh olunup, rütbesi yevm-i tevcîhinden iʿtibâr olunmak imtiyâzıyla tayy-ı bisât-ı müddet ve ihrâz-ı kadr ü menzilet eyledi.