Bundan akdem Donanma-yı hümâyûn ile Ak-deniz'e ʿâzim ve rûz-i Kāsım hulûlüne dek rûy-i deryâyı muhâfazada sâbit ü kāyim olan Kapudân-ı deryâ Vezîr Hüseyin Paşa hazretleri Recebü'l-ferdin yirmi yedinci günü Âsitâne-i saʿâdet'e vârid ve kānûn üzere Bâb-ı ʿâlî'ye gelüp, telebbüs-i ferve-i semmûr ile kadr ü menzileti mütezâyid olup, Şaʿbân-ı şerîf'in gurresi olan Çehârşenbih günü huzûr-ı mevâhib-mahsûr-ı Şâhâne'de muʿtâd üzere kürk geyüp, resm-i şenlik icrâ ve sefâyin-i donanmayı vâhiden-baʿde-vâhidin mersây-ı Tersâne'ye rabt etdikden sonra, visâde-i râhata istilkā eyledi.