Şehr-i Rebîʿulevvel'in on ikinci gicesi Çengel-köyü'nde vâkiʿ İstanbul Kadısı Müftî-zâde'nin kabza-i temellükünde olup, Sadrıaʿzam hazretlerinin harem-i ʿismet-meʾâblarına ârâm-gâh olan sâhil-hâne derûnunda sâʿat altıda iken nâ-gâh dûd-ı siyâh-ı âteş, zemâne-keş-i iltihâb ve sâhil-hâne-i mezkûrede bulunanlar kemâl-i dehşet ü hayret ile berhemzede-i teşvîş ü inkılâb olup, zikr olunan sâhil-hâne fî-tarfeti'l-ʿayn nâ-bûd ve baʿzı nefâyis-i eşyâ tuʿme-i nâr- zâtü'l-vekūd olup, câr-ı cenb bulunan Baş-muhasebeci ʿAlî Efendi sâhil-hânesinin dahi bir mikdâr mahalli sûzân ve âhar mahallere sirâyetden vikāye-i Samedânî nümâyân oldu.