Mukaddemâ zuhûr eden harîk sebebi ile tâyife-i cebeciyân medhûş ve kışlalarında temekkün eden zâbitân ve neferât bî-mekân u hâne-ber-dûş olduklarına binâʾen, bir mahall-i münâsibde îvâları muktezî olup, mukaddemâ ʿarabacıların terk etdikleri kışlalar hâlî olduğundan, şimdilik mahall-i mezkûrda iskân ve kışlalarına Arslan-hâne vasl u zamm olunarak vazʿ-ı esâs olunmak emr ü fermân olunup, mesârıfı cânib-i mîrîden ruʿyet olunmak üzere baʿde'l-ʿÎd bir vakt-i mübârek ihtiyâr ve hafr u vazʿ-ı bünyâd ile binâsına hasr-ı sâʿid-i ictihâd kılındı.