Devlet-i ʿaliyye dâmet mâ-dâreti'l-ecrâmü'l-felekiyye Françelü ile kemâ-fi'l-evvel ʿakd-i şurût-ı müsâleme ve terk-i mutârade vü muhâsama edüp, Paris'de İkāmet Elçisi olarak bir kimsenin meʾmûriyyetinde şuʾûnât-ı mülkiyyeye dayir baʿzı fevâyid vârid-i hâtır olduğuna binâʾen, hâcegân-ı Dîvân-ı hümâyûn'dan olup, fıtnat u zekâsı zâhir ve bu hıdmetin idâresine muktedir olan Hâlet Efendi, işbu Ramazân-ı şerîf'in dördüncü günü Bâb-ı ʿâlî'ye daʿvet ve dûş-i istihkākına ilbâs-ı hilʿat olunup, Paris'e vardıkda, Françe ve sâyir [Ü4 171a] Avrupa'da vâkiʿ olan havâdisâtı tashîh ve gass ü semînini tenkīh ve hurûf-ı maʿhûde ile refte refte Der-i devlet-medâr'a tahrîr eylemesi, taraf-ı Sadr-ı müşterî-tedbîr'den bi'l-müvâcehe mûmâ ileyhe teʾkîd ü tezkîr olundu.