Şehr-i mezkûrun yirmi dokuzuncu günü Serdârlar Kâtibi olan Mehmed Sâdık Efendi, Surre Emîni nasb u taʿyîn ve ser-i iftihârı destâr-ı kafesî ile tezyîn olunmuşidi. Birkaç gün murûrunda merkūm izhâr-ı fakr u fâka ile ʿadîmü'l-liyāka olduğunu etrâfa işâʿa ve bir maslahata el urmayup, vaktini izāʿa eylediği tehakkuk eylediğinden ʿazl olunup, Sadrıaʿzam ve bedr-i efham hazretlerinin [Ü4 149b – V 20b] Kapucular Kethudâsı olan Sıbğatullah Ağa fi'l-hâl Surre Emâneti hilʿatiyle tebcîl ve masrafına medâr olmak içün taraf-ı vâzıhu'ş-şeref-i hazret-i Sadâret-penâhî'den ve muntazamü'l-hâl olan ʿuzamây-ı ricâl-i Devlet-i ʿaliyye taraflarından iʿâne ile me'mûriyyeti teshîl olundu.