Sadr-ı müşterî-tedbîr, Mısr-ı Kāhire'nin pesmânde-i te'hîr olan umûrunu bi-hasebi'l-irâde kethudâları olan ʿOsmân Efendi'nin ʿuhde-i istikāmetine tahmîl ile kendüleri bi'n-nefs Âsitâne-i saʿâdet tarafına berren ʿavdet buyurdukları, mukaddemâ nakş-ı harîr-tahrîr kılınmışidi. Efendi-yi mûmâ ileyh bekāyây-ı umûr-ı Mısrıyye'yi “Hasebe mâ-yüsâʿidühü'z-zemân” ru'yet ve Saferü'l-hayr evâyilinde bahran vâsıl-ı Âsitâne-i saʿâdet olup, iki-üç seneden berü meşakkat-i seferiyye ile müteʼessir ve tervîz-ı nefs ve istirâhate ihtiyacı zâhir olduğundan, Sadrıaʿzam hazretleri vusûl buluncaya dek sâhil-hânelerinde ikāmet ile kesb-i âsâyiş ü râhat eylemeleri irâdesi tarafına ifade olundu.