Şevvâlü'l-muʿazzamın on yedinci gicesi Arpa Emîni Süheyl Mehmed Efendi'nin Kabasakal'da vâkiʿ olup, karîbü'l-ʿahdde iştirâ eylediği hânesinden [Ü4 120a] âteş zuhûr edüp, ittisâlinde olan Şeyhülislâm Efendi'nin konağını ve mukābilinde bulunan Emrûdcu- zâde'nin ve sâbıkā İzmir Kadısı Hatîb-zâde Mehmed Efendi'nin konağlarını birkaç sagīr hâneler ile yakup, fazl-ı Hakk ile intıfâya âgâz ve ferdâsı hânesi ihrâka gāyet karîb olup, bir müddetden berü mübtelây-ı maraz-ı cân-güdâz olan Kapu Kethudâsı Süfyân Ağa'nın hevl-i âteş ile hâli müşevveş ve füc'eten fevt ile süvâr-ı esb-i çûpîn-pây-ı na'ş oldu.