Kāyim-makāmlık takrîbi ile Çavuş-başılık münhall olup, sinîn-i çendînden berü Bâb-ı ʿÂlî'de Büyük ve Küçük Tezkirecilik ile umûr-ı Dîvâniyye'ye vâkıf u âşinâ ve mezâyây-ı deʿâvî-yi erbâb-ı mesâlihe ıttılâʿı hüveydâ olan sâbıkā Rûznâmçe-i Evvel ʿÂrif Mehmed Efendi, yevm-i mezkûrda Çavuş-başılık ile kesb-i iʿtilâ ve hakkında bir sene mukaddem sebkat eden pertev-i vaʿd-i cemîl, şemʿ-i ikbâlini pür-ziyâ eyledi. Mahdûmları müderrisîn-i kirâmdan Râ'if Efendi'nin inşâd etdiği târîhdir, [mısra]: ʿÂrif billâh oldu ʿizz ile Çavuş-başı (عارف بالله اولدی عز ایله چاوشباشی)