İskenderiyye'de olan İngiliz donanması Amirali Malta'ya ‘azîmet edüp ve o havâlîde Kapudan Paşa hazretlerine mûcib-i ikāmet olur bir hâlet kalmadığından gayri, eyyâm-ı şitâ tekarrübü ile deryâda telâtum müzdâd ve selâmetle donanmayı Tersâne-i ‘âmire'ye îsâl semîr-i fu'âdları olmağla, mehmâ-emken o tarafın levâzımını ru'yet ve muvâfık-ı hevâ ile evâyil-i Şaʿbân'da mersây-ı Tersâne'ye ilkāy-ı lenger-i heybet edüp, muʿtâd üzere Bâb-ı ʿâlî'ye gelüp, iktisây-ı hilʿat ve taraf-ı hümâyûndan envâʿ-ı mekârim ü nevâziş ile kesb-i rifʿat eyledi.