Kefere-i Cezîre-i Malta tavʿan ev kerhen mukaddemâ Françelü'ye etbâʿ ve muhâsara-i medîde ile baʿde-zemân cezîre-i mezbûreyi İngilizlü Fransızlardan intizâʿ edüp, sükkân-ı cezîreyi fîmâ-baʿd reʿâyâlarından taʿdâd ve mîrî kalyonlarında mevcûd üserây-ı Malta'yı istirdâd zımnında İngiliz Elçisi Dergâh-ı gerdûn-misâle refʿ-i ʿarîza vü kabâle etmekle, iltimâsına müsâʿade-i hümâyûn rû-nümûn [Ü3 176b] olup, iki yüz nefere karîb Maltalu, elçi tarafına teslîm ve miyânede bâz-beste olan evtâd-ı ittifâk bu cihetle dahi tahkîm olundu.