Mısır tarafında vukūʿ bulan melâhim ü megāzîde Sadrıaʿzam ve Kapudan Paşa hazerâtının metânet ü sebâtları [Ü3 147b] ve sunûf-ı askeriyyeyi iʿmâlde kemâl-i saʿy ü himmetleri bâʿis-i güşâyiş-i hâtır-ı Pâdişâh-ı saʿîdü'l-me'âsir olup, tezâyüd-i şevk u himmet ve tezâʿuf-i ikdâm ü celâdetlerine medâr olmak içün Serdâr-ı ekrem [Ü4 73b] ve Sadrıaʿzam hazretlerine bir kabza mücevher hançer ve neheng-i deryây-ı şecâʿat olan Kapudan Paşa hazretlerine mücevher bir kabza tîğân, taraf-ı Cihân-bânî'den ihsân olunduğundan gayri, birkaç mâhdan berü ber-muktezây-ı ittifâk, muhârebe-i aʿdâya şedd-i nitâk ve vukūʿ bulan meʿârikde samîmî sebât ve izhâr-ı vifâk eden İngiltere sergerdelerine iki kıtʿa mücevher mec tesyâr ve mesfûrlar dahi iltifât-ı Şâhâne ile vâye-dâr-ı fahr u iʿtibâr oldular.