Bir müddetden Segbân-başı olan Bozacı-oğlu Mehmed Ağa fart-ı rehâvet ü tekâsül ile idâre-i umûrda râcil olduğundan, işbu Saferü'l-hayr gurresinde mûmâ ileyh munʿazil olup, Âsitâne-i saʿâdet'de hâlâ Zağarcı-başı olup, Kul Kethudâsı Vekîli olan Halîl Bey, Segbân-başılık ile mütesaddî-yi umûr ve Turnacı-başı Vekîli olup, bi'l-fiʿl Turnacı-başılığ'a mülâzım bulunan Üsküdârlı Hâfız İbrâhîm Ağa, [Ü4 66a] Seksoncu-başılık ve Kul Kethudâlığı Vekâleti'yle mesrûr olup, Ordu-yi hümâyûn'da Seksoncu-başı olan ʿOsmân Ağa'nın dahi o tarafda Zağarcı-başılık ile bekâm olması irâdesi, taraf-ı hazret-i Kāyim-makāmî'den ʿarz-ı huzûr-ı Sadru's-sudûr kılındı.