Rumeli Vâlîsi Vezîr Hakkı Mehmed Paşa'ya Rumeli tevcîhinin sebeb-i aslîsi istîsâl-i eşkıyâ ve tathîr-i etrâf u enhâ olup, iktizâ eden mahallerden maʿiyyetine sevk-ı leşker emr-i mühimm ve bâ-husûs el-hâletü hâzihî eşkıyâyı hasr ile tazyîk eden Edirne Bostancı-başısı ve Tokadcıklı-oğlu'nun dahi sevâd-ı askerini teksîr lâzım olup, müşârun ileyh ve mûmâ ileyhimâ maʿiyyetlerine münâsebeti ile tertîb olunan askeri ihrâc u îsâl zımnında bâlâları hatt-ı hümâyûn ile tevşîh ü tezyîn olunmuş [Ü3 139a] evâmir-i ʿaliyye ile hâlâ Mîrâhûr-ı Sânî olan Esʿad Bey taʿyîn ve yedi bin beş yüz guruş harc-ı râh ile maslahat-ı ʿazîmeti teshîl ü tehvîn olundu.