Bundan akdem dağlı eşkıyâsına meʾmûriyyetle Edirne'de ikāmet ve derece-i liyâkat ü istitâʿati kadr-i defʿ-i şürûr-ı ehl-i gavâyet eden Vezîr Tayyâr Mahmûd Paşa'nın meʾmûriyyeti, Rumeli Vâlîsi Vezîr Hakkı Mehmed Paşa'ya havâle olunup, fîmâ-baʿd Edirne'de ikāmeti gayr-i lâzım ve Canik Sancağı, pederi fevtinden müşârun ileyhe tevcîh olunduğundan, bir sâʿat evvel mahall-i mezbûra vusûlü emr-i mühimm olduğundan, sâdır olan emr-i ʿâlî mûcebince Edirne'den hareket ve Gelibolu Maʿberi'nden geçüp, savb-ı maksûda ʿazîmet eyledi.